သိန်း ၅၀၀၀ တန်ကြေးပေါက်နေတဲ့ ရွှေငါးနောင်တော် Toyota Mark II JZX 100

နိုင်ငံတော်အတိုင်ပင်ခံ ဒေါ်အောင်ဆန်းစုကြည်စီးနင်းခဲ့တဲ့ Toyota Mark II JZX 100 အမျိုးအစားကို အတာသင်္ကြန်အပြီးမှာ လေလံစနစ်နဲ့ဈေးပြိုင်ရောင်းချဖို့ ပြင်ဆင်ထားတဲ့အကြောင်း အွန်လိုင်းစာမျက် နှာတွေမှာဖော်ပြထားတာတွေ့ရပါတယ်။ ဒါကြောင့် ကျွန်တော်တို့ရဲ့စာဖတ်ပရိတ်သတ်တွေအတွက် ၁၉၉၉ မော်ဒယ် Toyota Mark II ရဲ့အကြောင်းလေးကို သင်္ကြန်မတိုင်ခင်ဖော်ပြပေးလိုက်ရပါတယ်။

ဂျပန်နိုင်ငံအခြေစိုက် Toyota ကားကုမ္ပဏီရဲ့ နာမည်ကြီးအမှတ်တံဆိပ်တစ်ခုဖြစ်ပြီး ၁၉၆၈ခုနှစ်ကနေ စလို့ ထုတ်လုပ်ခဲ့ပါတယ်။ မျိုးဆက်စုစုပေါင်း ၉ ခုရှိပြီး ၂၀၀၄ခုနှစ်မှာရပ်နားခဲ့ပါတယ်။ သူ့နေရာကို Mark X နဲ့အစားထိုး ဆက်ခံစေခဲ့တာဖြစ်ပါတယ်။ နောက်ဆုံးမျိုးဆက်ဖြစ်တဲ့ ရွှေငါးကတော့ ကျွန်တော်တို့ မြန်မာပြည်မှာလက်ရှိအထိ လူကြိုက်များနေတုန်းပဲဖြစ်ပါတယ်။ အဋ္ဌမမျိုးဆက်ကိုတော့ ၁၉၉၆ခုနှစ်ကနေ ၂၀၀၀ ပြည့်နှစ်အထိ ထုတ်လုပ်ပေးခဲ့ပါတယ်။ အဆိုပါမျိုးဆက်အတွက် ထူးခြားမှုကတော့ all wheel drive စနစ်နဲ့ Toyota ရဲ့ VVTi အင်ဂျင်သစ်တွေကို Grande ရော Grande G ဂရိတ်တွေမှာပါ ရရှိစေဖို့ဖန်တီးပေးထားခဲ့တာပဲဖြစ်ပါတယ်။ ဆီတိုင်ကီဝင်ဆံ့မှုက ၇၀လီတာအထိရှိလို့ ခရီးသွားမယ်ဆိုလည်း လုံလောက်တဲ့အ နေအထားပဲဖြစ်ပါတယ်။

ဒီဇယ်ရော ဓာတ်ဆီအမျိုးအစားကိုပါ ထုတ်လုပ်ပေးထားပြီး ဒီဇယ်မှာတော့တာဘိုစွမ်းအင်သုံး 2.4 litre တစ်မျိုးတည်းကို အော်တိုဂီယာ ၄ ချက်နဲ့တွဲဖက်ပေးထားခဲ့ပါတယ်။ ပါဝါဝင်းဒိုးနဲ့ အဲကွန်းအော်တိုဖြစ်ပေ မယ့် traction control တို့ ABS တို့ကတော့ ရွေးပိုင်ခွင့်နဲ့မှရမှာဖြစ်ပါတယ်။ ဒီဇယ်ကတော့ ပြည်တွင်းမှာ အတွေ့ရနည်းတဲ့ကားအမျိုးအစားလည်းဖြစ်ပါတယ်။

ဓာတ်ဆီမှာဆိုရင်တော့ 2.0L ၊ 2.4L ၊ 2.5L နဲ့ 3.0L ဆိုပြီး ၄ မျိုးရှိပါတယ်။ ဂီယာက အော်တိုရော၊ မန်နူရယ်ပါရှိပေမယ့် အော်တိုကတော့လူကြိုက်ပိုများပါတယ်။ ပြည်တွင်းမှာအတွေ့များအသုံးများတဲ့ အင်ဂျင်အမျိုးအစားကတော့ 2.5L ပဲဖြစ်ပါတယ်။

2.5L မှာဆိုရင်တော့ Grande ၊ Grande G နဲ့ sport type အမျိုးအစားလို့ဆိုရမယ့် Tourer တွေရှိသလို Tourer ကိုလည်း S နဲ့ V ခွဲထားပါတယ်။ Tourer V ကတော့ electronic traction control system နဲ့ VVTi စတဲ့လုပ်ဆောင်မှုအမြင့်တွေပါတယ်လို့ Toyota ကဖော်ပြထားပါတယ်။ လေလံမှာလည်း S ကို အတွေ့ရနည်းပါတယ်။ စတီယာရင် ကြိုးချုပ်၊ ထိုင်ခုံကြိုးချုပ်၊ ဂီယာအုံအစွပ်ကြိုးချုပ်ဖြစ်လာသလို ဂီယာ ကလည်း sport type ဆန်ဆန် zip-zap ဖြစ်သွားပါတယ်။

Grande ကတော့ အခြေခံဂရိတ်လို့အလွယ်မှတ်နိုင်ပြီး ပါးခြမ်းမီး၊ ကိုယ်ထည်အရောင် တံခါးလက်ကိုင်၊ ကျွန်းခွက်၊ အဲကွန်းအော်တိုနဲ့ ထိုင်ခုံချိန်ညှိမယ့်ခလုတ်တွေအပြင် ထူးထူးခြားခြားအဖြစ်ပါကင်ဘရိတ်ကို လည်းစတီယာရင်အောက်မှာဆွဲသုံးရမယ့် အနေအထားနဲ့တွေ့မြင်နိုင်ပါတယ်။ ဂီယာကတော့ အော်တို ဆိုပေမယ့်တစ်တန်းဖြစ်ပြီး ဘေးမှာ Power ၊ ECT နဲ့ Snow drive ဆိုတဲ့ခလုတ်တွေပါဝင်မှာဖြစ်ပါတယ်။

Grande G package မှာဆိုရင်တော့ စတီယာရင်နဲ့ ထိုင်ခုံတွေကလည်သာဖြစ်လာသလို ယာဉ်မောင်းထိုင် ခုံချိန်ညှိမှုကလည်း ပါဝါဖြစ်လာပါတယ်။ ဒါ့အပြင် အခြားသော Limited ဂရိတ်တွေဖြစ်တဲ့ Grande Trente ၊ Grande Regalia နဲ့ Grande Regalia G ဆိုတာတွေလည်းရှိဦးမှာဖြစ်ပါတယ်။