မြန်မာပြည်ရောက် Mitsubishi Mirage

ယင်းကား၏ကိုယ်ထည်မှာ Hatchback ကားတစ်စီးဖြစ်သည်နှင့်အညီ လုံးလုံးကျစ်ကျစ်နှင့်ဆွဲဆောင်မှုရှိသည့် ကားတစ်စီးဖြစ်ပါသည်။

Mirage တွင် GLS နှင့် GLX ဟူ၍ဂရိတ်နှစ်မျိုးရှိပါသည်။

GLS သည်ဂရိတ်ပိုမြင့်ပြီး ယင်းတွင် Fog Lamp နှင့် ၁၅ လက်မအလွိုင်းများပါဝင်လာပါသည်။

GLX တွင် ၁၄လက်မ Steel Wheel ကိုအသုံးပြုထားပါသည်။

အပြင်ပိုင်းမှ Option များအားလုံးတူတူဖြစ်ပါသည်။

Bi-Xenon HD ရှေ့မီးကြီး၊ လျှပ်စစ်နှင့် ခေါက်/ချိုးပြုလုပ်နိုင်သည့် Side Mirrors နှင့် Roof Spoiler တို့မှာ ဂရိတ်နှစ်ခုစလုံးပါဝင်လာမည်ဖြစ်ပါသည်။

ကိုယ်ထည်အရောင်ကို White Pearl,Red Metallic, Cool Silver, Titanium Gray, Black Mica, Medium Blue စသည့်အရောင်ခြောက်မျိုးရွေးချယ်ရရှိနိုင်ပါသည်။

အတွင်းခန်းမှာလည်း ဂရိတ်အလိုက်ကွာခြားသွားမည်ဖြစ်ပါသည်။

GLS ဂရိတ်တွင် Keyless Operation System, Push-Start,Auto Aircon, Audio and Hands-free Phone Switches စနစ်များပါဝင်လာပါသည်။

ထို့ပြင် GLS ဂရိတ်တွင်နောက်ခန်းမှခုံများကို ၄၀း၆၀ ခေါက်/ချိုးပြုလုပ်နိုင်သကဲ့သို့ Tonneau Cover ပါဝင်လာပြီး GLX ဂရိတ်တွင်တော့ပါဝင်လာခြင်းမရှိပေ။

2WD ကားအမျိုးအစားဖြစ်ပြီး 1.2Litre, 12 Value, 3 Cylinder, DOHC MIVEC ဓာတ်ဆီအင်ဂျင်တပ်ဆင် အသုံးပြုထားပါသည်။

Electronic Control Injection စနစ်ဖြစ်သောကြောင့် ဆီစားနှုန်းသက်သာပြီး ဆီတစ်လီတာကို ၂၁ ကီလိုမီတာနှုန်းလောက်ထိမောင်းနှင်နိုင်မည်ဖြစ်ပါသည်။

ဂီယာကိုထိန်းချုပ်မှုပိုကောင်းမွန်သည့် 5-Speed Manual နှင့် Carefree မောင်းနှင်ရန်အတွက် CVT Transmission နှစ်မျိုးကိုရွေးချယ်အသုံးပြုနိုင်ပါသည်။

ရှေ့ဘီးတွင် Ventilated Disc ဘရိတ်နှင့်နောက်ဘီးများတွင် Leading and Trailing Drum ဘရိတ်စနစ်ကို အသုံးပြုထားပါသည်။

ထို့ပြင် Hill Start Assist, ABS with EBD,Active Stability Control,Driver & Passenger Airbags စနစ်များကိုထည့်သွင်းပေးထားပါသည်။

၂၀၁၇ မိုဒယ်New Mitsubishi Mirage ၏ဈေးနှုန်းမှာ အမေရိကန်ဒေါ်လာ ၁၈၉၉၀ ဝန်းကျင်ဖြစ်ပြီး ဝန်ဆောင်မှုအနေဖြင့် သုံးနှစ် သို့မဟုတ် ကီလိုတစ်သိန်းအာမခံပေးထားပါသည်။