တစ်ပတ်အတွင်းကားဈေးကွက်အခြေအနေသုံးသပ်ချက်နှင့်ကားဈေးနှုန်းများ

ယခုရက်ပိုင်းရန်ကုန်ကားဈေးကွက်အတွင်းနယ်အဝယ်များဆက်တိုက်ဆင်းနေသည့်အတွက် အရောင်းအဝယ်ဖြစ်နေကြောင်းသိရသည်။

ယခင်လများကမူဝါဒများမတည်ငြိမ်သည့်အတွက်ကားဈေးနှုန်းများတည်ငြိမ်နှုမရှိခဲ့သကဲ့သို့ အရောင်းအဝယ်လည်းအေးစက်နေခဲ့သည်။

ကားအရောင်းအဝယ်လုပ်ကိုင်သူများအနေဖြင့် ကားတင်သွင်းခွင့်မူဝါဒအပြောင်းအလဲနှင့်အခွန်ဥပဒေ အပြောင်းအလဲများတရားဝင်ထွက်ပေါ်လာပါကအရောင်းအဝယ်အနည်းငယ်ပြန်အေးသွားနိုင်ကြောင်း ခန့်မှန်းထားကြသည်။

ယခုရက်ပိုင်းတွင်နယ်အဝယ်များဆင်းနေသကဲ့သို့ဒေါ်လာဈေးလည်းတည်ငြိမ်နေသောကြောင့်ဈေးကွက် တည်ငြိမ်မှုရှိလာကာအရောင်းအဝယ်လည်းပုံမှန်ဖြစ်နေကြောင်းသိရသည်။

ယာဉ်ရောင်းဝယ်ရေးစခန်းများတွင်လည်းနယ်အဝယ်များပုံမှန်ဆင်းနေသည့်အတွက်စလစ်ကပ်ကားများရော ဖရီးပါမစ်ကားများပါအရောင်းအဝယ်ဖြစ်နေကြောင်းသိရသည်။

အထက်မြန်မာပြည်ဘက်မှနယ်အဝယ်များအဆင်းများနေပြီး လုပ်ငန်းသုံးကားများရော အိမ်စီးကားများပါအရောင်းအဝယ်ဖြစ်နေကြောင်းသိရသည်။

နံပါတ်ထွက်ပြီးသားကားများထဲတွင်အင်ဂျင်ပါဝါ ၁၃၀၀ စီစီ၊ ၁၅၀၀ စီစီကားများဖြစ်သည့် Probox, Honda Fit, Belta,Ractis, Honda Fit Shuttle, GK3 ကားလေးများအရောင်းအဝယ်ဖြစ်နေသည်။

စလစ်ကပ်ကားများထဲတွင်စတိနံပါတ်များမှာအရောင်းအဝယ်နည်းနေသော်လည်းနံပါတ်ထွက်ပြီးသား ကားများထဲတွင် Alphard, Wish, Kluger ကားများသာအရောင်းအဝယ်ရှိကြောင်း ကားဝယ်/ရောင်းများကဆိုသည်။

စလစ်များဝယ်လိုအားများလာချိန်တွင်အပ်နှံခွင့်ရသည့်ကားဟောင်းများရှားပါးလာသောကြောင့်ဝယ်ယူရခက်ခဲ လာကြောင်းကားဟောင်းဝယ်/ရောင်းများထံမှသိရသည်။

သက်တမ်းနှစ်နှစ်ဆယ်ကားဟောင်းတစ်စီးအမည်ပေါက်စလစ်တစ်စောင်လျှင်ကျပ် ၁၀၈ သိန်းကျော်ပေါက်ဈေးရှိနေကြောင်းသိရသည်။

မြန်မာမီနီစလစ်များမှာအငှားယာဉ်တင်သွင်းမှုနည်းနေသော်လည်းဈေးကျဆင်းသွားခြင်းမရှိဘဲ ကျပ်သိန်း ၁၁၀ ဝန်းကျင်ဖြင့်ဈေးငြိမ်နေကြောင်းစလစ်ဈေးကွက်အတွင်းမှသိရသည်။